ARO KATA JIIMBO LA TANDAHIMBA WAPEWA MAFUNZO YA UBORESHAJI WA DAFTARI LA KUDUMU LA WAPIGA KURA.

Posted on: January 21st, 2025

Maafisa Waandikishaji Wasaidizi (ARO-Kata) Jimbo la Tandahimba wametakiwa  kuwa na bidii,weledi ushirikiano,uadilifu na kujituma wakati  wa uboreshaji wa Daftari la kudumu la wapiga kura ili kufanikisha kazi hiyo kwa ufanisi.

Akufungua mafunzo  hayo ya siku mbili leo Januari 21,2025  kwenye ukumbi wa mikutano wa Halmashauri Afisa Mwandikshaji Jimbo la Tandahimva ndugu Aloyce Massau amewahimiza kuzingatia maelekezo ya wakufunzi ili kufanikisha utekelezaji wa jukumu hilo kwenye maeneo yao sambamba na utunzaji wa vifaa kwa usahihi na uaminifu.

Aidha Maafisa Waandikishaji Wasaidizi hao wamekula kiapo cha kutunza siri na tamko la kujiondoa uanachama  mbele ya Hakimu Mkazi Mfawidhi Wilaya ya Tandahimba Mhe Joseph Waruku.

Zoezi la Uboreshaji wa Daftari la Kudumu la Wapiga kura linatarajiz kuanza Januari 28 hadi Februari 3,2025 ikiwa ni maandalizi ya Uchaguzi Mkuu Mwaka

 2025.