AMCOS zatakiwa kuzingatia Ubora wa Korosho katika maghala yao Msimu 2022/2023

Posted on: October 17th, 2022

Na Kitengo cha Mawasiliano

Kuelekea msimu wa Korosho Viongozi wa vyama vya Ushirika vya Msingi (AMCOS) Halmashauri ya Wilaya ya Tandahimba wametakiwa kuzingatia ubora wa  korosho wanazopokea katika  maghala yao

Akifungua kikao kazi  cha viongozi wa vyama vyote vya Ushirika vya msingi Oktoba 17,2022 katika Ukumbi wa Mikutano wa Halmashauri Katibu Tawala Wilaya ya Tandahimba Ndg.Juvenile Mwambi amesema kuwa viongozi wa Amcos wana nafasi kubwa ya kuhakikisha Korosho inayoingia katika ghala zina ubora unaotakiwa

“Tunaelekea kwenye msimu  wa 2022/2023 natoa wito kwenu viongozi wa Amcos  kuhakikisha  Korosho mnazopokea katika maghala yenu zina ubora  unaotakiwa  mjiridhishe kabla hazijapelekwa  katika Ghala Kuu,”amesema Katibu Tawala

Naye Meneja wa Tanecu Tandahimba Bi.Sababu Juma amesema kuwa maandalizi ya mauzo ya Korosho kwa msimu 2022/2023 yamekamilika  ambapo Mnada wa kwanza utafanyika Oktoba 21,2022 katika kijiji cha Mitondi B Halmashauri ya Wilaya ya Tandahimba

Hata hivyo Mkurugenzi Mtendaji  Ndg.Mussa Gama alitumia nafasi hiyo kuwapongeza Tanecu kwa kuwa miongoni mwa vyama bora Nchini kusimamia Korosho