Dc Waryuba : Ni wajibu wa wazazi , walezi na jamii kuwalinda na kuwatetea watoto

Posted on: June 18th, 2021

Na Kitengo cha Habari na Mawasilano

Mkuu wa Wilaya ya Tandahimba Mhe.Sebasian Waryuba amesema  wazazi , walezi na jamii kwa ujumla wana wajibu wa kuwatunza watoto na kuwapatia mahitaji muhimu sambamba na kuwalinda na vitendo vya kikatili ambavyo vinaweza kuwapata katika maeneo yao

Watoto nawazazi ambao wamehudhuria katika maadhimisho ya siku ya mtoto wa Afrika kijiji cha Mitondi B

Ameyasema hayo kwenye siku ya maadhimisho ya mtoto wa afrika yenye kauli mbiu ya "Tutekeleze ajenda 2040: kwa Afrika inayolinda haki za watoto" ambayo Kiwilaya yamefanyika katika  kijiji cha Mitondi B kata ya Kitama,  Dc Waryuba akiwa ameambatana na Mkurugenzi Mtendaji,kamati ya Ulinzi naUsalama na wakuu wa idara na viteng alianza kwa kupokea maandamano ya watoto waliobeba mabango yenye jumbe mbalimbali

Dc Waryuba akisistiza umuhimu wa kuwalinda watoto katika jamii kwenye maadhimisho hayo

 “Watoto hawa wana haki ya kupata elimu,afya bora,chakula,kutetewa,kuwalinda,kuwatunza  ,wajibu wa mzazi na mlezi ni wa kudumu  kuhakikisha mtoto anapata haki zake,wazazi mzingatie watoto wanahudhuria shule wasiwe watoro wa shule  ,”amesema Dc Waryuba

Dc Waryuba (aliyesimama) akizungumza na wananchi wa Mitondi B

Aidha naye  Mkurugenzi Mtendaji wa Halmasahauri ya Wilaya ya Tandahimba Ndg Said Msomoka akitolea majibu ya changamoto ambazo zimetolewa na mwenyekiti wa kijiji hicho ya zahanati na  uhaba wa walimu amesema kuwa kwa mwaka unaokuja zahanati imetengewa Mil 40 ambazo zitakuja kufanya kazi ili watoto na jamii kwa ujumla wapate huduma stahiki

Mkurugenzi Mtendaji ndg Said Msomoka akitoa neno kwenye maadhimisho ya siku ya mtoto wa Afrika

“ Kwa mwaka huu wa fedha unaoanza mwezi ujao  zimetengwa mil 40 lakini tutajitahidi tufanye haraka ili huduma za  wagonjwa wa nje  zianze mapema kwa suala la uhaba wa walimu tumelichukua,”amesema ndg Msomoka

Kamati ya Ulinzi na usalama na wakuu wa idara na vitengo ambao pia walihuduruia maadhimisho hayo

Aidha katika maadhimisho hayo Dc Waryuba alikabidhi  taulo za kike kwa mratibu wa elimu kata  na matroni  ambazo zilitolewa a taasisi ya Search for Common Ground ambayo imetoa taulo 1000 na shirika la Sports Development Aid wametoa taulo 60 za kike na kusistiza kuwa taulo hizo ziwafikie wahusika

Maadhimisho ya mtoto wa Afrika Wilaya ya Tandahimba yamelenga  kuhamasisha  jamii kuhusu umuhimu wa masuala ya kupinga ukatili  dhidi ya watoto lengo ni kuhakikisha watoto wanakuwa salama kuanzia ngazi ya Familia kijiji,kata na Wilaya na kupambwa na burudani mbalimbali

           Igizo la bunge la watoto

Wanafunzi wakiimba ngonjela kwenye maadhimisho ya siku ya mtoto wa Afrika kijiji cha Mitondi B