Afisa Mwandikishaji Jimbo awataka Bvr kit na Waandikishaji kuwa waadilifu

Posted on: May 1st, 2020

Na Kitengo cha Habari na Mawasiliano

Afisa Mwandikishaji wa Jimbo la Tandahimba Said Msomoka amewataka Bvr kit operator na waandikishaji wasaidizi kuifanya kazi hiyo kwa uadilifu na uamnifu ili kulinda vifaa vya Serikali ambavyo vimenunuliwa kwa gharama kubwa.

Ameyasema hayo jana wakati akifungua  mafunzo ya awamu ya pili ya uboreshaji wa daftari la kudumu la wapiga kura  ambayo yamefanyika katika ukumbi wa Halmashauri ya Tandahimba

“Tumewaamini ndiyo maana tumewachagua tunaomba mkaifanye kazi hii kwa uadilifu na uaminifu katika vituo vyenu ,mzingatie yote ambayo mmeelekezwa na wawezeshaji  katika kufanikisha zoezi hili ,”amesema Msomoka

Naye Afisa Mwandikishaji Msaidizi Ahmada Suleiman aliwaeleza kuwa ni muhimu kuzingatia muda wa kufungua  na kufunga vituo kwa wakati uliopangwa ili wananchi waweze kupata haki yako ya kujiandikisha

“Hatutarajii vituo vichelewe kufunguliwa  kwakuwa kunawanachi wanahitaji kupata huduma mapema ili waweze kuendelea na shughuli zao za maendeleo lakini  pia hatutakuvumilia wewe ambaye utafunga kituo kabla ya muda kwa kisingizio watu hakuna hilo halitavumilika kwakuwa muda uliopangwa uzingatiwe,”amesema Suleiman  

Zoezi hili la mafunzo kwa Bvr kit na waandikishaji wasaidizi wa vituo  limefanyika kwa umakini  ili kuhakikisha tahadhari za ugonjwa wa corona unazingatiwa