WADAU WA KOROSHO WAWEKA MIKAKATI YA KUDHIBITI UBORA WA ZAO HILO.

Posted on: October 27th, 2023

Na Kitengo cha Mawasiliano. 

Wadau wa  Korosho Wilaya ya Tandahimba na Newala wameweka mikakati ya kudhibiti ubora wa Korosho  ili kuongeza thamani ya bei kwa wanunuzi wanaokuja kununua korosho hizo

Akifungua kikao hicho  Oktoba 26,2023 Katika ukumbi wa mikutano wa Wilaya ya Newala,  Mkuu wa Wilaya hiyo  Mhe.Alhaji Mwangi Rajabu Kundya  amesema thamani ya korosho inapoongezeka wanufaika ni wakulima wa zao hilo

 Kwa upande wake Mkuu wa Wilaya ya Tandahimba  Mhe.Kanali Patrick Sawala  amewasistiza maafisa Ugani,Maafisa Ushirika na Viongozi wa Vyama vya Ushirika  kuendelea kutoa elimu kwa Wakulima ya ukaushaji wa korosho na kuhifadhi katikaviwango vinavyotakiwa huku  akiwataka watunza maghala  kusimamia ubora wa korosho  kwa kuzingatia vipimo vya unyevu kabla ya kuingiza ghalani.

Katika hatua nyingine viongozi hao wakiwemo wa vyama vya ushirika (AMCOS) na watunza Maghala kwa pamoja wameahidi kusimamia kwa weledi majukumu yao pamoja na kuzingatia maelekezo waliyopewa ili kuendelea kulinda ubora wa korosho hizo.

Mpaka sasa Wilaya ya Tandahimba  inaongoza kwa uzalishaji wa korosho bora nchini Tanzania .