Tandahimba yaanza maadhimisho ya wiki ya unyonyeshaji

Posted on: August 1st, 2022

Na Kitengo cha Mawasiliano

Halmashauri ya Wilaya ya Tandahimba imeanza maadhimisho ya wiki ya unyonyeshaji kwa kutoa elimu ya umuhimu wa unyonyeshaji kwa kina mama, wajawazito na akina baba wanaohudhuria kliniki za mama na mtoto katika vituo vya kutolea huduma ya afya

Akizungumza na akina mama ,wajawazito na akina baba ambao wamehudhuria katika kliniki ya mama na mtoto hospitali ya Wilaya ya Tandahimba Agosti 1,2022 Mratibu wa Lishe  Dkt Joselyne Kalikawe amewasistiza mtoto wa chini ya miezi sita ya mwanzo kupewa ziwa  la mama pekee

Amesema kuwa baadhi ya akina mama wanawapa watoto chini ya miezi sita  maji na chakula hiyo hatakiwi,maziwa ya mama yana makundi yote ya chakula lakini maziwa ya mama ya na kinga  ya kumzuia  mtoto na maradhi mbalimbali pia yanaongeza upendo kati ya mama na mtoto

“Unyonyeshaji unahitajika kwa kiasi kikubwa katika miezi sita ya mwanzo ili kuepuka udumavu na utapiamlo,ukimpa mtoto vyakula vingine unaweza kumsababishia madhara ya kiafya ,”amesema Mratibu

Maadhimisho ya wiki ya Unyonyeshaji Duniani hufanyika  kila mwaka ambapo kauli mbiu ya mwaka 2022 “Chukua hatua,Endeleza  unyonyeshaji Elimisha na toa msaada”