Shule tatu za Sekondari Zapata usajili Halmashauri ya Tandahimba

Posted on: November 23rd, 2022

Na Kitengo cha Mawasiliano

Mkurugenzi Mtendaji Halmasahauri ya Wilaya ya Tandahimba  Ndg.Mussa Gama amesema kuwa Shule mpya tatu za Sekondari tayari zimepata usajili ambapo Januari 2023 zitapokea wanafunzi wa kidato cha kwanza

Amesema hayo  Novemba 23,2022 katika Mkutano wa Baraza la madiwani uliofanyika  katika ukumbi  wa Mikutano wa Halmashauri ambapo alizitaja shule hizo kuwa ni Shule ya Sekondari ya Mfano Litehu ambayo namba ya usajili ni S5963,Shule ya Sekondari Mndumbwe yenye namba ya usajili S5964 na shule ya Sekondari Kwanyama yenye namba ya usajili S5962

Aidha Mkurugenzi  amesema kuwa usajili wa Shule tatu za Sekondari utnapunguza idadi ya  kata  ambazo  hazikuwa na Sekondari katika kata 32 za Halmashauri ya Tandahimba na kubakiwa na Kata 2 ambazo hazina Sekondari,kata hizo ni Mahuta na Mkwedu

Baraza la Madiwani wamempongeza Mkurugenzi kwa kufanikisha hatua ya usajili wa shule  hizo ambapo itarahisisha wanafunzi kuchaguliwa katika kata zao ili kuwapunguzia adha ya kutembea umbali mrefu