RC MTWARA AWAAPISHA MA-DC NA MA-DED.

Posted on: September 27th, 2023

Na.Kitengo cha Mawasiliano

Mkuu wa Mkoa wa Mtwara Mhe.Kanali Ahmed Abbas amewaapisha Wakuu wa Wilaya na Wakurugenzi wa Halmashauri za Mkoa wa Mtwara akiwasisitiza kuwa wamepewa dhamana ya kuwatumikia wananchi na si vinginevyo.

Hafla hiyo imefanyika Leo Septemba 27, 2023 katika Ofisi ya Mkuu wa Mkoa wa Mtwara na kuhudhuriwa na Viongozi mbalimbali wakiwemo Wakurugenzi na wakuu wa Wilaya za Mkoa wa Mtwara.

Aidha, Mhe Kanali Abbas amewasisitiza viongozi wote wa  Mkoa huo kutekeleza majukumu Yao kwa kuzingatia Sheria na taratibu zilizowekwa huku akiwaagiza kusimamia na kukagua Miradi inayotekelezwa katika Maeneo yao sambamba na Kusikiliza na kutatua kero za Wananchi.

Miongoni mwa walioapishwa ni Mkuu wa Wilaya ya Mtwara Ndg.Mwanahamisi Mkunda na Dkt.Stephen Mwakajumilo kuwa Mkuu wa Wilaya ya Nanyumbu pamoja na kuwaapisha kiapo Cha Maadili ya Utumishi wa Umma Wakurugenzi Wa Halmashauri za Mkoa wa Mtwara.