Mwalimu mwenye ulemavu akabidhiwa baiskeli ya kutembelea

Posted on: September 22nd, 2022

Na Kitengo cha Mawasiliano

Mkuu Wilaya yaTandahimba Mhe.Kanali  Patrick Sawala amemkabidhi baiskeli Mwalimu Ndg Bakari Kuwandu ambaye ni mlemavu anayefundisha shule ya Msingi Mjimpya iliyopokaa ya Tandahimba

Akimkabidhi  baiskeli hiyo Septemba 22,2022 katika shule ya msingi Mjimpya, Dc Sawala  amesema kuwa alipokea maombi yake ya uhitaji wa baiskeli ofisinikwake Septemba 19,2022

“Nilipokea  maombi yake wiki hii ambapo alisema kuwa baiskeli ambayo alikuwa akiitumia ni mbovu,nikalichukulia jambo hili kwa uzito mkubwa ukizingatia baiskeli inamsaidia kuingia darasani kuwafundisha wanafunzi wetu ,nikawasaliana na wadau nimeipata nimekuja kumkabidhi ili  iweze kumsaidia,”amesema Dc Sawala

Naye Mwalimu Bakari Kuwandu amemshukuru Dc kwa kumkabidhi  baiskeli hiyo na ameipongeza Serikali kwa kuwajali watu wenye ulemavu “Nashukuru sana Mhe.Dc Sawala ni juzi tu nimepeleka maombi yangu ofisini kwake lakini leo amekuja kunikabidhi baiskeli,asante sana,”amesema Mwalimu Kuwandu

Aidha akiwa shuleni hapo  Dc Sawala amewasistiza wanafunzi kuweka juhudi  katika masomo  yao ili waweze kufikia malengo yao na amewapongeza walimu washule hiyo kwa kazi kubwa wanayofanya na kuhakikisha wanafunzi wanafanya vizuri