Madiwani Halmashauri ya Tandahimba waapishwa

Posted on: December 2nd, 2020

Na Kitengo cha Habari na Mawasiliano

Madiwani wateule  wa Halmashauri ya Wilaya ya Tandahimba wameapishwa  ili kuanza rasmi shughuli za baraza la madiwani kwa ajili ya maendeleo ya wananchi wa Tandahimba

Tukio hilo kuapishwa kwa madiwani limefanyika jana  tarehe 1/12/20202 katika ukumbi wa mikutano wa Halmashauri na Hakimu Mkazi wa mahakama ya Wilaya ya Tandahimba Nasra Mwinshehe

Hata hivyo baada ya kuapishwa baraza la madiwani wamechagua  Mwenyekiti wa  Halmashauri na Makamu Mwenyekiti ambapo Mheshimiwa Baisa Abdala Baisa  diwani wa kata ya Kitama (CCM) ameshinda nafasi hiyo kwa 91% na Makamu mwenyekiti Mheshimiwa Likapa Juma Nangololo diwani kata ya Mndumbwe (CCM) ameshinda kwa asilimia 93%

Katibu Tawala Wilaya ya Tandahimba Juvenile Mwambi akitangaza Mshindi Mwenyekiti na makamu

Aidha  Katibu Tawala Mkoa wa Mtwara  Alphayo Kidata akizungumza kwenye baraza la madiwani amesema kuwa wananchi wanahitaji  maendeleo katika maeneo yao na madiwani ndiyo wasimamizi wa shughuli hizo

“Nawapongeza kwa kuapishwa  pia nampongeza mwenyekiti na makamu mwenyekiti kwa kuchaguliwa wananchi wamewaamini mkasimamie kwa uadilifu miradi ya maendeleo kwenye maeneo yenu husika,”amesema ndugu Kidata

Naye Mkurugenzi mtendaji wa Halmashauri ya Tandahimba ndugu Said Msomoka akijibu hoja mbalimbali za madiwani amesema kuwa yupo tayari kushirikiana na madiwani katika kuleta maendeleo ya Tandahimba

“Mimi nipo  tayari kushirikiana na ninyi waheshimiwa madiwani ili  wananchi wa Tandahimba waendelee kupata maendeleo ,”amesema ndugu Msomoka