KAMPENI YA CHANJO YA MIFUGO YAZINDULIWA TANDAHIMBA.

Posted on: February 4th, 2025

Mkuu wa Wilaya ya Tandahimba Mhe.Kanali Michael Mntenjele amezindua kampeni ya chanjo ya Mifugo katika ukumbi wa Shule ya Sekondari Tandahimba akiwasisitiza Maafisa Ugani kuhakikisha wanatoa Elimu ya chanjo  kwa Wananchi hasa Wafugaji  ili waweze kuchanja mifugo yao na kuilinda dhidi ya magonjwa.

Aidha, DC Mntenjele amewaasa Maafisa Ugani wa kata na Vijiji kuhakikisha wanatekeleza Majukumu yao kwa kuzingatia taratibu zilizowekwa kwa ajili ya kufanikisha zoezi .

"Kila mmoja atekeleze Majukumu yake kwa kuzingatia Mwongozo uliotolewa na Wizara ya Mifugo, Sera ya Taifa ya Maendeleo ya Mifugo, Sheria ya wanyama na kanuni mbalimbali zilizopo ili kupata matokeo chanya ya zoezi hili kwa kuwa Serikali inatoa fedha nyingi Kwa ajili ya Chanjo ya Mifugo kila Mwaka" DC Mntenjele 

Awali akizungumza hafla hiyo kaimu  Mkurugenzi Mtendaji wa Halmashauri ya Tandahimba David Sinyanya amesema kupitia Maafisa Ugani wanatarajia zoezi la chanjo kufanyika kwa ufanisi.

Kwa upande wake Afisa Mifugo Wilaya ya Tandahimba Mtaalam Mkana amesema zoezi la kuchanja Mifugo litaanza Februari 26 hadi Aprili 29 2025 wakitarajia  kuchanja zaidi ya Mifugo 180,000 Wakiwemo Ng'ombe, Mbuzi,Kondoo na Kuku.

 Maafisa ugani kilimo na maafisa ugani mifugo wa kata, vijiji na wa ngazi ya Wilaya pamoja na baadhi ya Wafugaji wamehudhiria katika Uzi

nduzi huo.