Halmashauri ya Tandahimba yapokea Vitambulisho 2400 vya wajasiriamali wadogo

Posted on: May 27th, 2020

Na. Kitengo cha Habari na Mawasiliano

Mkuu wa Wilaya ya Tandahimba Sebastian Waryuba amekabidhi  vitambulisho  2400 kwa Halmashauri ya Tandahimba ili waweze kuvigawa kwa wajasiriamali katika maeneo mbalimbali ya Wilaya

 Akikabidhi vitambulisho hivyo kwa Afisa Biashara Gerald Mmasi,Dc Waryuba amesema kuwa vitambulisho vya mwaka jana vilikuwa na changamoto za hapa na pale lakini kwa mwaka huu vitambulisho hivyo vimerahisishwa kwa  kutumia mfumo

Watendaji Kata wakikiliza  maelekezo ya ugawaji wa vitambulisho ambavyo kwa sasa vimesajiliwa  kwenye mfumo

“Vitambulisho hivi  2400  vikuuzwa kwa wajasiriamali tunataraji tupate shilingi Milioni 48 hivyo jitihada zifanyike ili tumalize vitambulisho hivi ndani ya miezi miwili kwa kuvigawa kwa wajasiriamali wetu wadogo wadogo ili wafanye kazi kwa uhuru,”amesema Waryuba

 Naye Kaimu Mkurugenzi Mtendaji wa Halmashauri ya Tandahimba Ally Machella amesema kuwa pamoja na kupokea vitambulisho hivyo watendaji wa kata (wasajili) wana jukumu la kuhakikisha fedha hizo zinafikishwa  kwa wakati

Kaimu Mkurugenzi Mtendaji wa Halmashauri ya Tandahimba Ally Machella akieleza jambo kwa watendaji kata

“Wasajili mkipokea fedha  mzifikishe kwa wakati  ili kuepuka vishawishi  kwakuwa fedha hizi ni za serikali zinatakiwa  zikafanye shughuli mbalimbali za maendeleo ambayo yamekusudiwa,”amesema Machella

Aidha amesema  wajasriamali wanatakiwa kuhakikisha wanapata  vitambulisho hivyo kwa gharama ya shilingi elfu ishirini ambapo watadumu navyo kwa mwaka mmoja bila kusumbuliwa  malipo mengine

Baadhi ya Wakuu wa Idara waliohudhuria makabidhiano hayo ya vitambulisho vya wajasiriamali wadogo