DED Tandahimba akabidhi vifaa kwa watoto wenye mahitaji maalum katika maadhimisho ya Siku ya Vijana wa Afrika

Posted on: November 26th, 2022

Na Kitengo cha Mawasiliano

Mkurugenzi Mtendaji Halmashauri ya Wilaya ya Tandahimba  Ndg.Mussa Gama  amekabidhi vifaa mbalimbali kwa Shule ya Msingi Mjimpya Maalum ambavyo vimetolewa na Vijana wa Tandahimba katika maadhimisho ya Siku ya Vijana wa Afrika

Akizungumza katika Hafla iliyofanyika katika shule hiyo leo Novemba 26,2022 Mkurugenzi amewapongeza vijana kwa kutoa vifaa hivyo ambavyo vitawasaidia watoto hao ambao wana mahitaji maalum

“Nawapongeza Vijana  kwa  kuadhimisha siku yenu hii kwa kuchangia tabasamu kwa watoto hawa wenye mahitaji maalum,vifaa hivi ambavyo nakabidhi leo ni matumaini yangu  vitatumika  kama ilivyokusudiwa,mmeratibu na  na kuunganisha makundi ya vijana  kufanikisha jambo hili namimi mnipa faraja nizidi kuwaamini vijana ,”amesema Mkurugenzi

Naye Mwalimu Mkuu wa Shule ya Msingi Mjimpya Maalum Bi.Sharifa Machemba ameshukuru na kuahidi kuwa vifaa hivyo vitatumika kama vilivyokusudiwa

Katika maadhimisho hayo ambapo Kauli mbiu ‘Changia Tabasamu kwa Wote’vijana wa Halmashauri ya Wilaya ya Tandahimba wameweza kununua vifaa vyenye gharama ya Tsh.577,000 na kuwakatia bima ya afya ya ICHF iliyoboreshwa watoto 12 ili waweze kupata matibabu