DED MWANZALIMA AKAGUA MIRADI YA MAENDELEO.

Posted on: November 12th, 2023

Na Kitengo cha Mawasiliano. 

Mkurugenzi Mtendaji wa Halmashauri ya Wilaya ya Tandahimba ACI.Mariam Mwanzalima amefanya Ziara ya  kukagua Miradi ya Maendeleo inayotekelezwa katika Halmashauri hiyo na kutoa maelekezo kwa viongozi wanaosimamia Ujenzi huo kuhakikisha inakamilika katika Ubora na Kwa wakati.

DED Mwanzalima ameyasema hayo Novemba 12, 2023 alipotembelea katika nyumba ya Mwalimu 2(1) yenye Gharama ya TSH.Milioni 95 , Shule ya Msingi Litehu na Shule ya Msingi Liponde na kuongeza kuwa yeyote atakayesababisha Mradi kusua sua atawajibishwa kwa mujibu wa sheria na miongozo iliyowekwa.

Aidha, amemshukuru Rais Dkt Samia Suluhu Hassan kwa kuendelea kutoa Fedha za Maendeleo kwa Wananchi wa Tandahimba.