Dc Sawala awataka watendaji wa kata kutumia siku 16 za kupinga Ukatili kutoa Elimu katika maeneo yao

Posted on: November 25th, 2022

Na Kitengo cha Mawasiliano

Mkuu wa Wilaya ya Tandahimba amewataka watendaji wa Kata na Maafisa Maendeleo ngazi ya kata kuhakikisha  siku 16 za kupinga ukatili  wanatumia kwa kutoa elimu katika maeneo yao

Ameyasema hayo Novemba 25,2022 katika Ukumbi wa Mikutano wa Halmashauri wakati akizindua  Siku 16 za kupinga ukatili ambapo amesistiza kila Kata iweze kuhakikisha inatoa elimu  ili kuzuia vitendo vya Ukatili

“Leo tunaanza rasmi  siku 16 za kupinga ukatili wito wangu kwenu Watendaji Kata wote 32 na Maafisa Maendeleo wa Kata muhakikishe siku hizi 16 mnatoa elimu kwa jamii ya kupinga vitendo vya ukatili,”amesema Dc Sawala

Maadhimisho ya Siku 16 za Kupinga Ukatili wa Kijinsia  Halmashauri ya Wilaya ya Tandahimba itatoa elimu kwa jamii sambamba  na kufanya kongamano la wadau mbalimbali Disemba 6,2022 ambapo Kauli mbiu ya mwaka huu ‘Kila Uhai unathamani Tokomeza Mauaji na Ukatili Dhidi ya Wanawake na Watoto’