ZAIDI YA MIL.279 ZATUMIKA MALIPO YA WALENGWA WA TASAF TANDAHIMBA

Posted on: April 1st, 2021

Na Kitengo cha Habari na Mawasiliano

Kiasi cha zaidi ya milioni 279 zimetumika kwenye zoezi la malipo ya mwezi Novemba na Disemba kwa walengwa wa kaya maskini 6220 Halmashauri ya Wilaya ya Tandahimba kati ya  walengwa 6242

Mratibu wa TASAF Tandahimba Ismaely Mbilinyi

Akitoa tathmini hiyo Mratibu wa Mfuko wa Maendeleo ya Jamii (TASAF) Halmashauri ya Wilaya ya Tandahimba Ismaely Mbilinyi amesema kuwa zoezi hilo la siku tano limewafikia  walengwa kwenye vijiji 88

 “Zoezi limekamilika kiasi cha shilingi 279,452,000 zimetumika kukamilisha zoezi hili kwa walengwa wa Halmashauri yetu kwa vijiji 88,”amesema Mratibu

Afisa Ufuatiliaji wa TASAF Tandahimba Faida Mabele  akizungumza na wanufaika wa kaya maskini wakati wakisubiri malipo

Aidha katika  zoezi hilo kaya 22 hazikushiriki katika zoezi kutokana na sababu mbalimbali ikiwemo kifo,baadhi yao kufuzu na wengine kutokuwepo katika maeneo yao wakati wa zoezi la malipo hivyo kiasi cha shilingi milioni sita hazikuweza kulipwa kwa walengwa hao

Mratibu amesema moja ya changamoto ambazo zimejitokeza katika zoezi la malipo kwa mwezi Novemba na Disemba ni pamoja na baadhi ya majina kutokuwepo kwenye orodha,kuchelewa kwa malipo  na ukosefu wa vitambulisho vipya   kwa baadhi ya walengwa

Wanufaika wa kaya maskini wakisubiri malipo