WAZAZI WASIOWAPELEKA WATOTO SHULE HATUA KALI ZA KISHERIA ZITACHUKULIWA DHIDI YAO

Posted on: September 8th, 2023

Na Kitengo cha Mawasiliano 

Mkuu wa Wilaya ya Tandahimba Mhe. Kanali Patrick Sawala ameagiza hatua za kisheria zichukuliwe kwa wazazi watakao kaidi agizo la kuhakikisha watoto wote wenye umri wa kwenda Shule  na waliokatiza masomo kwa Utoro wanahudhuria Shuleni mara itakapofunguliwa ili kupata Elimu ambayo ni haki yao ya Msingi

DC Sawala ameyasema hayo leo Septemba 8,2023 kwenye Mkutano wa hadhara uliofanyika Kata ya Mihambwe  ambapo  amesikiliza kero mbalimbali za wananchi na kuzipatia ufumbuzi sambamba na kutoa maelekezo ya Serikali

"Serikali imeendelea kuboresha Miundombinu ya Elimu kwa kujenga Madarasa ya kutosha ili Wanafunzi wasome katika Mazingira bora,hivyo wazazi hakikisheni wanafunzi waliokatisha masomo kwa utoro wanakwenda shule, ni haki ya Msingi kwa watoto kupelekwa Shule na kuhakikisha wanahitimu masomo ili kufikia malengo yao," amesema DC Sawala

Miongoni mwa kero zilizoanishwa ni pamoja na Wananchi kutaka kujua bei elekezi ya Korosho Msimu huu 2023/2024 suala ambalo amelitolea ufafanuzi kuwa bei itatangazwa rasmi muda ukifika huku akisisitiza wananchi kupeleka na kuuza Korosho kwa Mfumo wa Stakabadhi ghalani Msimu wa mauzo utakapofika

Aidha katika suala la Pembejeo Wananchi wa Kata ya Mihambwe wameishukuru Serikali ya Rais Dkt Samia Suluhu Hassan kwa kutoa Pembejeo  za ruzuku kwa wakulima ili kuongeza uzalishaji wa zao la Korosho