WATU WENYE ULEMAVU TANDAHIMBA WAKABIDHIWA VIFAA SAIDIZI.

Posted on: January 11th, 2024

Na Kitengo cha Mawasiliano 

Mkuu wa Divisheni ya Maendeleo ya Jamii Ndugu.Aloyce Massau kwa niaba ya Mkurugenzi Mtendaji wa Halmashauri ya Wilaya ya Tandahimba amekabidhi  vifaa saidizi kwa watu 15 wenye ulemavu.

Akikabidhi vifaa hivyo Januari 11,2024 katika hafla iliyofanyika ukumbi wa Mikutano wa Halmashauri ya Wilaya ya Tandahimba amewasistiza kuvitunza na kutumia kama ilivyokusudiwa vifaa hivyo.

Aidha Vifaa alivyokabidhi ni Fimbo nyeupe nne (4),Magongo ya kutembelea pea tano (5),Elbow kumi (10) na Cherehani ya kawaida moja(1) ambazo zimetolewa na Kampuni ya Sigara Tanzania.

Kwa upande wake Kaimu Afisa Ustawi wa Jamii Halmashauri ya Wilaya ya Tandahimba Bi. Shakila Omari amesema kuwa wanatambua bado kuna uhitaji wa vifaa saidizi lakini vitaendelea kukabidhiwa pale ambapo vitapatikana kutoka kwa wadau mbalimbali.

Akizungumza kwa niaba ya watu wenye Ulemavu ambao wamekabidhiwa vifaa saidizi Bi Doto Mzanda amewashukuru wadau waliotoa vifaa hivyo na kuahidi kutumika kama ilivyokusudiwa.