Wasimamizi wa Sensa watakiwa kutunza vitendea kazi

Posted on: August 13th, 2022

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala  amewataka Wasimamizi wa Sensa ya Watu na Makazi mwaka 2022 kutunza vitendea kazi ili kufanikisha zoezi hilo muhimu kwa Taifa

Amesema hayo Agosti 12,2022 alipowatembelea katika vituo vyao vya mafunzo cha Mahuta,Luagala na Tandahimba na kuwasistiza kuwa wazalendo na kuzingatia mafunzo wanayopewa ili zoezi liweze kufanikiwa

"Mmeaminiwa kutekeleza jukumu hili,ni imani yangu wote mtamaliza mafunzo na mtamaliza vizuri,vifaa ambavyo mmekabidhiwa mkavitunze lakini pia hatutarajii sababu zozote za mtu kujitoa katika zoezi hili ambapo mpo mwishoni mwa mafunzo,"amesema Dc Sawala

Halmashauri ya Wilaya ya Tandahimba  ina Wasimamizi wa sensa 1284 ambao wanaendelea na mafunzo katika vituo vitatu ambavyo ni Mahuta,Luagala na Tandahimba ambapo wasimamizi maudhui  ni 112,Tehama 32 na Makarani 1140