WANANCHI TANDAHIMBA WAIPONGEZA SERIKALI MIAKA 62 YA UHURU

Posted on: December 9th, 2023

Na Kitengo cha Mawasiliano

Wananchi wa Halmashauri ya Wilaya ya Tandahimba leo Disemba 9,2023 wameshiriki mdahalo wa  Miaka 62 ya Uhuru wa Tanzania Bara ambapo wameipongeza Serikali kwa kuboresha sekta mbalimbali  nchini.

Wakizungumza kwenye mdahalo huo uliofanyika kwenye ukumbi wa Mikutano wa Halmashauri  ukiongozwa na Mwakilishi wa Mkuu wa Wilaya ya Tandahimba ambaye ni Katibu Tawala  Ndugu .Rashidi Shabani, na kuhudhuriwa na Wazee maarufu,viongozi wa vyama vya siasa,viongozi wa dini,Kamati ya Usalama ya Wilaya,Timu ya Menejimenti,Wakuu wa taasisi,Watumishi na wananchi kutoka maeneo mbalimbali ya Tandahimba

Katika Mdahalo huo wachangia mada wameeleza Halmashauri ya Wilaya ya Tandahimba ilipotoka katika sekta zote ,ilipo sasa ambapo wamesema Maendeleo yanaonekana kwa macho na inapoelekea  kimaendeleo, pia wametoa  mapendekezo yao kwa Serikali kuendelea kusimamia mila,desturi na tamaduni ili kulinda na kuzingatia maadili ya kizazi kilichopo na kijacho .

Maadhimisho ya Miaka 62 ya Uhuru wa Tanzania Bara hufanyika kila Mwaka ambapo Kitaifa Mwaka huu  yamefanyika Mkoani Dodoma chini ya kauli mbiu "Umoja na Mshikamano ni chachu ya Maendeleo ya Taifa letu"