Wajumbe wa MTAKUWA Watakiwa kuzingatia Mipango kazi yao ili kutoa elimu kwa jamii kutokomeza vitendo vya kikatili

Posted on: October 6th, 2022

Na Kitengo cha Mawasiliano

Wajumbe wa kamati ya Ulinzi wa mtoto  wametakiwa kuzingatia mipango kazi ili kutoa elimu kwa jamii kuweza kutokomeza vitendo vya kikatili kwa watoto na wanawake katika Halmashauri ya Wilaya ya Tandahimba

Hayo yamesemwa Oktoba 6,2022 na Mkuu wa Idara ya Usimamizi Rasiliamali watu na Utawala Bi.Jane Mallongo kwa niaba ya Mkurugenzi Mtendaji wakati akifungua kikao cha kamati ya MTAKUWA Wilaya ambacho kimefanyika katika Ukumbi wa Mikutano wa Halmashauri

“Ili tuweze kufikia malengo kila mjumbe wa MTAKUWA lazima kuzingatia Mpango kazi wake ili kutoa elimu dhidi ya vitendo vya kikatili  wanavyofanyiwa watoto na wanawake katika jamii inayotuzunguka,”amesema Mallongo