TIMU YA MENEJIMENTI YATEMBELEA ENEO LLILOTOLEWA NA WANANCHI WA KIJIJI CHA MALAMBA KWA SHUGHULI ZA KIUCHUMI

Posted on: April 14th, 2023

Na Kitengo cha Mawasiliano

Timu ya Menejimenti ya Halmashauri ya Wilaya ya Tandahimba (CMT) ikiongozwa na Mkurugenzi Mtendaji  Ndg.Mussa Gama imetembelea eneo ambalo limetolewa na wananchi wa kijiji cha Malamba kata ya Malopokelo kwa ajili ya shughuli za maendeleo ya kichumi

Akizungumza na wananchi kijijini hapo  Aprili14,2023 Mkurugenzi amewapongeza wananchi kwa kutoa eneo hilo la ekari 70 ambalo litatumika kwa ajili ya shughuli za kiuchumi kama vile ujenzi wa shule ya kiingereza sambamba na shughuli zingine za kiuchumi

"Nawapongeza wananchi wa kijiji cha Malamba kwa kuridhia kutoa eneo kwa ajili ya shughuli za maendeleo ya kiuchumi ,sisi Halmashauri tulihitaji ekari 70 na mmeridhia,tunawashukuru  hivyo wataalam wa ardhi watapima linalobaki wanakijiji mtaendelea kwa shughuli zenu za kijiji," amesema Mkurugenzi

Aidha amesema kuwa shughuli za kiuchumi zikifanyika katika eneo hilo wananchi wa kijiji hicho wataongeza kipato chao kwa kufanya shughuli  mbalimbali

Nao wananchi ambao walitoa maoni yao katika kikao hicho wakiongozwa na Diwani wa kata ya Malopokelo Mhe.Sabihi Mayunda wamempongeza Mkurugenzi kwa hatua hiyo  ambapo wamesema kuwa eneo hilo ni shamba la ushirika la kijiji hivyo eneo litakalobaki wataendelea na utaratibu wao