TEA yakabidhi miradi kwa Halmashauri ya Tandahimba

Posted on: January 19th, 2021

Na Kitengo cha Habari na Mawasiliano

Mamlaka ya Elimu Tanzania  (TEA) imekabidhi miradi yenye thamani ya shilingi milioni 100 kwa Halmashauri ya Wilaya ya Tandahimba

Akikabidhi miradi hiyo ambayo ni madarasa matatu na matundu ya vyoo kwa baadhi ya shule za msingi Kaimu Mkurugenzi wa Tea John Masatu amesema kuwa miradi hiyo imekamilika na ipo tayari kuendelea kutumika na wanafunzi

Miradi wa  madarsa matatu shule ya msingi Litemla

Akipokea miradi hiyo Kaimu Mkurugenzi Mtendaji  ,Afisa Elimu Msingi Hadija Mwinuka amesema kuwa wanaishukuru Tea kwa miradi hiyo ambayo imeleta tija kwa wanafunzi wa maeneo ambayo miradi hiyo imetekelezwa

Aidha amesema shule ambazo miradi hiyo imetekelezwa ni vyumba vitatu vya madarasa shule ya Msingi Litemla na matundu ya vyoo 24,shule ya Msingi Mitumbati matundu 24 ya vyoo,Shule ya Msingi Mnaida matundu 24 ya vyoo na Shule ya Msingi Namindondi  matundu ya vyoo 24

 Mradi wa matundu ya vyoo 24

“Tunashukuru kwa miradi hii ambayo imetekelezwa ndani ya Halmashauri yetu italeta mafanikio kwa wanafunzi wetu  hususani katika maeneo ambayo matundu ya vyoo ilikuwa ni machache sasa imeleta nafuu,”amesema Mwinuka

vyumba hivyo  vimekamilika  na samani zake