TASAF Tandahimba yakamilisha Uhaulishaji wa fedha kaya maskini

Posted on: September 30th, 2020

Na Kitengo cha Habari na Mawasiliano

Zaidi ya shilingi Milioni 348 zimetumika katika zoezi  la  Uhaulishaji wa fedha kwa kaya maskini 5765 ambao walifanikiwa kuhakikiwa mwezi Julai Halamshauri ya Tandahimba 

Mratibu wa Mfuko wa Maendeleo ya Jamii (TASAF) Ismaely Mbilinyi amesema kuwa zoezi limekamilika  na kaya ambazo zimepata malipo hayo ni zile ambazo zilihakikiwa mwezi Julai mwaka huu

Mratibu wa TASAF Halmashauri ya Wilaya ya Tandahimba Ismaely Mbilinyi akitoa maelekezo kwa wasimamizi wa malipo

“Tumemaliza zoezi la uhaulishaji wa fedha kwa kaya zote ambazo ziliingizwa kwenye mpango baada ya uhakiki mwezi Juni, na malipo ambayo yamefanyika ni mwezi Julai hadi Agosti na Septemba hadi Oktoba,zoezi limemalizika vizuri,”amesema Mbilinyi

Aidha amezitaka kaya ambazo zimepokea malipo hayo kuzitumia ipasavyo  sambamba na kuwanunulia wanafunzi mahitaji muhimu ya shule,kilimo na ufugaji ili waweze kuendelea kukuza kipato

Msimamizi wa kituo cha Mahakamani  kata ya Chikongola akiwa kufanya malipo

Naye  Maimuna Lyoka mkazi wa Mchichira ameishukuru serikali na kuahidi kuzitumia kwa malengo pamoja na kufanya shughuli za ufugaji  na kilimo ili kukuza kipato

Mpango wa Uhaulishaji wa Fedha kwa kaya maskini unaotolewa na TASAF umewezesha wanufaika wa Wilaya ya Tandahimba kuweza kuendelea kuwasomesha watoto wao kwa kuwanunulia mahitaji muhimu na  wengine wakitoka hatua moja kwenda nyingine kwa kufanya shughuli mbalimbali za kukuza kipato