TANDAHIMBA:zaidi ya Milioni 200 zatumika kutengeneza viti na meza kwa shule za sekondari

Posted on: April 14th, 2020

Pichani: Baadhi ya viti vilivyotengenezwa na halmashauri vikiwa tayari kutumika

Na Kitengo cha Habari na Mawasiliano

Zaidi ya Shilingi Milioni 2010 zimetumika kutengenezea viti na meza  3000 katika Halmashauri ya Wilaya ya Tandahimba baada yakuwa na changamoto ya upungufu  wa viti na meza kwa shule za sekondari na hivyo kusababisha wanafunzi kusoma katika mazingira magumu

Akisoma taarifa fupi kwa Mkuu wa Wilaya ya Tandahimba Sebastian Waryuba katika ghafla ya kukabidhi viti hivyo kwa baadhi ya walimu wakuu Afisa Elimu Sekondari  Sostenes Luhende amesema viti hivyo vitagaiwa katika shule zote 28 za Halmashauri

“Fedha hii imetokana na mfuko wa elimu ambao unatiokana na mchango wa wananchi na wadau mbalimbali wa elimu,uwepo wa viti hivi umepunguza tatizop hili ambalo lilikuwa ni changamoto katika shule zetu za sekondari”amesema Luhende

Pichani Mkuu wa wilaya ya Tandahimba akiwa na Mkurugenzi Mtendaji wilaya ya Tandahimba akikabidhi viti na meza kwa wakuu wa shule za sekondari

Mkuu wa Wilaya Sebastian Waryuba amewataka walimu wakuu kutunza viti hivyo kwa kutoa utaratibukwa wanafunzi waweze kuvitunza na pale utakapotokea uharibifu katika hilo aweze kuwajibika ili wengine waendelee kutumia

“Viti hivi ni agizo la mkuu wa Mkoa wa Mtwara  ambaye aliiagiza Halmashauri kutengebneza viti na meza baada ya kutembelea shule na kuona hali halisi katika shule za sekondari,hivyo agizo limetekelezwa sasa ninyi walimu ambao leo tunawakabidhi viti hivi mkasimamie utunzwaji wa hivi viti”,amesema Waryuba

Wakuu wa shule wakiwa kwenye picha ya pamoja baada ya kukabidhiwa viti na meza