RC Mtwara apongeza uripoti wa wanafunzi kidato cha kwanza kufikia asilimia 96

Posted on: January 31st, 2023

Na Kitengo cha Mawasiliano 

Mkuu wa Mkoa wa Mtwara Mhe.Kanali Abbas Ahmed Abbas amepongeza uripoti wa wanafunzi  wa kidato cha kwanza kufikia asilimia 96 katika Halmashauri ya Wilaya ya Tandahimba

Ametoa pongezi hizo  Januari 31,2023 katika ziara yake yenye madhumuni ya kuangalia miundombinu ya madarasa na kujiridhisha na takwimu za uandikishaji wa wanafunzi wa kidato cha kwanza walioripoti katika shule

“Nawapongeza  kwa kufikia asilimia 96 ya mahudhurio ya wanafunzi wa kidato cha kwanza walioripoti shule,nimetembelea shule hii ya Tandahimba ambayo ilipata fedha ya miradi ya vyumba vinne nimejiridhisha miundombinu ipo vizuri na uripoti wa kidato cha kwanza mzuri,hongereni,”amesema Rc

Aidha RC akiwa shuleni hapo amesistiza utunzaji wa mazingira ikiwemo upandaji wa miti sambamba na kuitunza iliyopo ambapo alitumia nafasi hiyo kumshukuru Mhe.Rais wa awamu ya sita Mhe.Dkt.Samia Suluhu Hassan kwa kuendelea kutoa fedha  kwa ajili ya utekelezaji  wa miradi ya Maendeleo katika Mkoa wa Mtwara

Naye Mkuu wa Wilaya ya Tandahimba Mhe.Kanali Patrick Sawala amesema kuwa ongezeko la wanafunzi  wa kidato cha kwanza kufikia asilimia 96 ni ushirikiano mzuri wa viongozi uliopo kuanzia ngazi ya kitongoji,kijiji,kata,tarafa na Wilaya,lengo  kuhakikisha wanafunzi wanaripoti shule kwa asilimia 100