UJENZI WA BARABARA YA TANDAHIMBA KUANZA MWISHONI MWA MWAKA HUU

Posted on: May 20th, 2020

Na Kitengo cha Habari na Mawasiliano

Afisa Sayansi ya Jamii Mkuu  Wakala wa Barabara Tanzania (Tanroads) Gibson Mwaya amesema ujenzi wa barabara  ambayo aliahidi Mheshimiwa Rais John Pombe  Magufuli kwa wananchi wa Tandahimba unatarajia kuanza mwishoni mwa mwaka huu 2020

Akizungumza na wakuu wa idara na vitengo katika ukumbi wa Halmashauri ya Tandahimba amesema kuwa pamoja na ujenzi huo kutarajia  kuanza watalipa fidia kwa vitu ambavyo vipo mita 45 kutoka katika barabara ambayo wanatarajia kuanza kuitengeneza

Afisa Sayansi ya Jamii Mkuu wa Tanroads Gibson Mwaya akieleza lini mradi huo utaanza

“Dhumuni la kuongea nanyi wataalaum wa Halmashauri ni kupata ushauri na maoni yenu ambayo yatasaidia katika ujenzi huu  mkubwa wa barabara ambayo Mheshimiwa aliahidi kwa wananchi na  utekelezaji wake unaanza mara tu taratibu mbalimbali zikimalizika hivyo mwishoni mwa mwaka huu tutaanza rasmi kazi ya ujenzi wa  barabara,”amesema Mwaya

Amesema barabara hiyo ikikamilika itawasaidia wakazi wa Tandahimba na Watanzania kwa ujumla  kuweza kutoka sehemu moja  kwenda nyingine kwa wakati  na kwa gharama nafuu hivyo barabara hii itaongeza maendeleo kwa wakazi wake

“Sisi kama Tanroads kabla ya kuanza ujenzi tunashirikisha wananchi na wataalamu mbalimbali wa Halmashauri ili kupata maoni na ushauri hivyo pamoja na maendeleo tunayoleta pia tunaipa Halmashauri husika kuchagua kitu ambacho kingependa kifanywe ndani ya mradi huo ambao sisi tunaita ‘Complimentary Project’inategemea wanahitaji nini mfano kuchimbiwa kisima au kujengewa  ghala  na fedha ambayo imetengwa,”amesema Mwaya

Wakuu wa Idara na vitengo wakimsikiliza Afisa kutoka Tanroads kuhusu ujenzi wa barabara

Naye Mkuu wa Wilaya ya Tandahimba Sebastian Waryuba amemshukuru Mheshimiwa Rais John Magufuli kwa kutekeleza ahadi yake kwa wananchi wa Wilaya ya Tanadahimba ambao suala la barabara limekua tatizo la muda mrefu

Dc Waryuba (kushoto) akitoa salamu za shukrani kwa Rais  Magufuli (kulia) Mkurugenzi Mtendaji Halmashauri ya Tandahimba Said Msomoka

Barabara inayotarajiwa kujengwa ni kutoka Mnivata  hadi Masasi ikikamilika itakuwa imewasaidia wananchi wa maeneo husika na kuwaletea maendeleo mbalimbali .