PS3+ Watoa mafunzo kwa Watendaji Kata,Maafisa Maendeleo,Maafisa Afya na Maafisa Elimu Kata

Posted on: December 5th, 2022

Na Kitengo cha Mawasiliano

Watendaji kata Katika Halmashauri ya Wilaya ya Tandahimba wamesistizwa kuimarisha utawala bora na ushirikishwaji wa wanannchi katika ngazi za msingi  ili  kuboresha utendaji kazi katika maeneo yao

Akitoa mafunzo Disemba 5,2022 katika ukumbi wa mikutano wa Halmashauri kwa Watendaji Kata,Maafisa Maendeleo,Maafisa Elimu Kata na Maafisa afya Mshauri wa PS3+ Ushirikiswaji wa Wananchi  Kanda ya Kusini Ndg,Paul Chukira amesema  wakishirikiana wataboresha  na kuondoa mapungufu yaliyopo katika kata zao

Amesema uimarishaji wa mifumo ya sekta za umma   unakwenda sambamba na utoaji wa taarifa kwa wananchi,matumizi ya mbao za matangazo,matumizi ya tovuti,mrejesho kutoka kwa wananchi ,Utekelezaji sera ya asilimia kumi ya mapato ya ndani na Ushirikishaji wa Sekta binafsi katika mchakato wa kuandaa mpango wa bajeti

Mafunzo hayo yanafanyika kwa siku mbili  kuanzia Disemba 5 hadi 6,2022 ambapo yatawawezesha kutekeleza majukumu  kwa kuzingatia utawala bora katika maeneo yao