Nmb tawi la Tandahimba yakabidhi madawati na bati kwa shule na zahanati

Posted on: August 10th, 2020

Na Kitengo cha Habari na Mawasiliano

Benki ya NMB tawi la Tandahimba imekabidhi madawati 150  kwa shule tatu za msingi na mabati 170 kwa ajili ya Zahanati ya Mitumbati vifaa vyote vikiwa na gharama ya shilingi Milioni 20

Katibu Tawala Wilaya ya Tandahimba Juvenile Jaka Mwambi akizungumza jambo

Akipokea  vifaa hivyo Katibu Tawala  Wilaya ya Tandahimba Juvenile Jaka Mwambi kwa niaba ya Mkuu wa Wilaya amesema kuwa benki hiyo inawajali wananchi wake kwa kurudisha faida wanayoipata kwa jamii

Meneja wa benki ya Nmb tawi la Tandahimba akizungumza na wananchi wa kijiji cha mitumbati kabla ya makabidhiano ya  mabati 

“Tunaishukuru  NMB kwa madawati na mabati ni matumaini  yangu haya madawati yatatunzwa  ili wananfunzi waendelee kuyatumia na kuongeza ufaulu kwa watoto wetu,”

Das(wa pili kulia) akiwa na Kaimu Mkurugenzi,Afisa Elimu na Meneja wa Kanda ya kusini na Meneja wa Tawi la Tandahimba kwenye ghafla hiyo

Naye Meneja wa Benki ya NMB kanda ya Kusini Janeth Shango amesema kuwa  ni utaratibu wa benki hiyo kushiriki katika maendeleo katika sekta mbalimbali ikiwemo elimu na afya

Meneja wa Nmb Kanda ya Kusini Janeth Shango akiwasalimia wananfunzi na wazazi waliohudhuria katika makabidhiano hayo

“Tupo karibu na wananchi hata yakitokea majanga sisi tunakuwa karibu kushirikiana na Halmashauri yetu,kwaiyo ni utaratibu wetu kurudisha  faida tunayipata kwa wananchi we,”amesema Shango

Hata hivyo naye Afisa Elimu Msingi amesema kuwa anaishukuru Benki hiyo kwa msaada wa madawati  kwakuwa yataongeza ufanisi wa kusoma kwa  wanafunzi  katika shule zetu

“Hii ni benki ambayo tunashirikiana nayo  sana katika sekta ya elimu,kwa msaada huu wa madawati hata mahudhurio yataongezeka,watoto watakuwa mwandiko mzuri kwakuwa mwanafunzi akikaa chini hata mwandiko wake  unakuwa mbaya,”amesema Mwinuka

Zahanati ya Mitumbati  ambayo benki ya Nmb imekabidhi  bati 170 kwa ajili ya kuongeza nguvu

Naye  Kaimu Mkurugenzi Mtendaji Hassan Nzyungu amewashukuru NMB na kuwaomba kuendelea kushirikiana na Halmashauri katika sekta mbalimbali ili kuleta maendeleo kwa wananchi wa Tandahimba

Das Juvenile Jaka Mwambi akimkabidhi  mabati 170 Kaimu Mkurugenzi Hassan Nzyungu ambayo yametolewa na Nmb