MWENYEKITI WA UWT TAIFA ARIDHISHWA NA UJENZI WA SHULE MPYA MAMBAMBA

Posted on: July 20th, 2023

Na Kitengo cha Mawasiliano

Mwenyekiti wa UWT Taifa  Ndg.Mary Chatanda ameridhishwa na mradi wa ujenzi wa Shule mpya ya Msingi na Awali Mambamba ambayo imetekelezwa kwa  kiasi cha Tsh.Mil 331.6 kupitia mradi wa BOOST

Akizungumza  Julai 20,2023 katika ziara yake ya siku moja katika Halmashauri ya Wilaya ya Tandahimba aliyoambatana na Kamati ya Utekelezaji ya UWT Taifa ambayo imetembelea na kukagua utekelezaji wa miradi ya Maendeleo sambamba na kuzungumza na wananchi

" Nimefurahi  kuona jinsi utekelezaji wa ilani ya CCM inavyotekelezwa kwa vitendo katika miradi ya maendeleo hapa Tandahimba ,nawapongeza sana kwa usimamizi mzuri,mradi ni mzuri kwakweli nimeanza vizuri ziara yangu ," amesema Mwenyekiti Chatanda

Chatanda amesema kuwa miundombinu inayojengwa katika maeneo mbalimbali hapa nchini  kama watoto hawatahudhuria shule haitakuwa na maana hivyo ni jukumu la wazazi na walezi kuhakikisha watoto wa kike na kiume wanakwenda shule kupata elimu ambayo itawasaidia  kufikia malengo yao

Aidha ametoa wito kwa jamii kuzingatia mila na desturi za kulinda maadili ya Kitanzania ambayo  yameanza kuleta madhara kwa baadhi ya vijana wa Kitanzanis sambamba na kupinga vitendo vya ukatili na unyanyasaji kwa wanawake na watoto

Halmashauri ya Wilaya ya Tandahimba ilipokea fedha kiasi cha Tsh.Mil.665.1 ambayo imetekeleza ujenzi wa miundombinu katika Shule za msingi saba ikiwemo  mradi wa Shule mpya Mambamba kupitia Mradi wa BOOST ambayo tayari miradi hiyo imekamilika