Mwenyekiti Halmasahauri ya Tandahimba akabidhi viti na meza kwa ajili ya kidato cha kwanza 2021

Posted on: February 3rd, 2021

Na Kitengo cha Habari na Mawasiliano

Halmashauri ya Wilaya ya Tandahimba  imekabidhi viti na meza za wanafunzi  wa shule za sekondari kwa ajili ya kidato cha kwanza mwaka  2021 kwa Wakuu wa Shule za sekondari hatua ambayo imemaliza tatizo la ukosefu wa viti na meza kwa wanafunzi

Meza na viti vikishushwa kwenye gari kwa ajili ya makabidhiano

Kaimu Mkurugenzi Mtendaji wa Halmashauri ya Tandahimba ndugu Ally Machela amesema kuwa jukumu ambalo  wakuu wa shule wanapaswa kulizingatia ni  kuhakikisha wanaweka utaratibu kwa wanafunzi ambao wanatumia viti hivyo ili viweze kudumu

Kaimu Mkurugenzi Mtendaji Ally Machela akitoa neno kwa wakuu wa shule kwenye makabidhiano ya viti na meza

“Tumetumia kiasi kikubwa cha fedha za mapato ya ndani kwa ajili ya  kutengeneza samani hizi  jukumu kubwa mnalo  wakuu wa shule ni kuweka utaratibu ambao mwananfunzi atatunza kiti na meza atakazokabidhiwa,”amesema ndg Machela

Wakuu wa shule za sekondari wakisikiliza taarifa fupi ya ugawaji wa viti na meza hizo

Akikabidhi samani hizo  Mwewnyekiti wa Halamsahauri ya Wilaya ya Tandahimba Mheshimiwa Baisa Baisa amaesema kuwa Halmashauri imetimiza jukumu  la kutengeneza samani  ili wanafunzi wasome katika mazingira bora hivyo uwekwe utaratibu ili samani hizi zisiwe zinarudiwa kila mwaka kutengenezwa

Mwenyekiti Mh.Baisa Baisa akimkabidhi viti Mkuu wa shule ya sekondari Nandonde bi. Mboni Ahmad

“Nakabidhi samani hizi lakini wekeni utaratibu wa mwanafunzi kutunza samani zake,azitunze kuanzia anaanza kidato cha kwanza hadi anapomaliza  na endapo vitaharibika mzazi wake achukue hatua ya kutengeneza hii itasaidia kuwajenga wanafunzi wetu kuthamini na kutunza mali za umma,”amesema Mh. Baisa

Naye Mwenyekiti wa Walimu Wakuu wa Shule za Sekondari Tandahimba Ally Matangaru ameishukuru Halmashauri kwa jitihada wanazozifanya kwenye sekta ya Elimu na hivyo kuahidi  kuendelea kuweka juhudi kwenye kutoa elimu ili kuongeza ufaulu katika Halmashauri ya Tandahimba

Mh.Mwenyekiti  akimkabidhi meza Mwenyekiti wa Wakuu wa Shule ambaye pia  ni mkuu wa shule ya sekondari Namikupa

Aidha akizungumza kwa niaba ya Mkuu wa Wilaya ya Tandahimba  Katibu Tawala Juvenile Mwambi ameipongeza Halmashauri kwa jinsi ambavyo imefanikisha zoezi la ukamilishaji wa  samani hizo

Katibu  Tawala akitoa neno la pongezi kwa Halmasahauri kwa kukamilisha zoezi hilo

Halmashauri ya Wilaya ya Tandahimba imetoa kiasi cha zaidi ya Milioni 145 katika Mfuko wa Elimu kwa ajili  utengenezaji wa viti 2552 na meza 2492 ili kuondoa changamoto ya upungufu wa samani hizo kwa wanafunzi wa kidato cha kwanza 2021