Mvua yasababisha maafa Tandahimba

Posted on: December 21st, 2021

Na Kitengo cha Habari na Mawasiliano

Halmashauri ya Wilaya ya Tandahimba imetoa unga kilo 1000 na maharage kilo 500 kwa familia zilizopata maafa ya mvua iliyoambatana na upepo mkali  na kusababisha mtu mmoja kufariki dunia  kwa kupigwa na radi na zaidi ya familia 48 zimekosa makazi

Tukio hilo limetokea kata ya Kwanyama Wilayani Tandahimba ambapo mvua hiyo iliyoambatana na upepo kunyesha na kusababisha  maafa kwa  wananchi wa kijiji cha Mitumbati ,kwanyama na huruma ambapo mikorosho imekatika ,vyakula vimeloa na mvua na nyumba kuezuliwa na zingine kubomoka

Dc Sawala akiwa pamoja na viongozi wa Wilaya  wakiangalia jinsi mvua hiyo ilivyoleta maafa

Mkuu wa Wilaya  ya Tandahimba Mhe.Kanali Patrick Sawala alitembelea kuona na kutoa pole kwa waathirika wa maafa hayo katika kata hiyo na kuwasistiza  kuhakikisha wanafunga koha  paa ziwe imara ili endapo upepo unarudi usiweze kuleta maafa tena

Aidha Dc Sawala akikabidhi  vifaa hivyo amesema kuwa ulinzi utaimarishwa ili kuendelea kulinda mali za wananchi ambao wamekosa makazi hadi pale hali  itakapokuwa sawa

Afisa Tarafa Mchichira bi Dotto Nyirenda  akishirikiana na wananchi kuhifadhi chakula hicho kwa ajili ya kugawa kwa wananchi

“Nachukua nafasi hii kutoa pole kwa wafiwa lakini pia natoa pole kwa wale wote ambao wamepata maafa haya lakini kitu muhimu tukiwa tunaanza kuezeka basi tuhakikishe koha zinafungwawa ili kuepuka mili kuepukaka maafa

Naye Mwenyekiti wa Halmashauri ya Wilaya ya  Tandahimba Mhe.Baisa Baisa  ametoa pole kwa wananchi wa kata ya Kawanayama na kuwakikishia kuwa Halmashauri ipo pamoja nao kuhakikisha wanapata chakula na michakato mingine inaendelea

Diwani wa Kata ya Kwanyama Mhe Hamza Balakali ameishukuru Serikali ya Wilaya kwa kufika na kuwafariji wananchi waliopata maafa hayo sambamba na kuwapa msaada wa chakula