MTWARA KUWA MKOA WA MFANO KWA MATUMIZI YA MFUMO WA NeST

Posted on: September 1st, 2023

Na Kitengo cha Mawasiliano 

Kaimu Katibu Tawala Mkoa wa Mtwara Nanjiva Nzunda amesema baada ya Mafunzo ya Mfumo wa Ununuzi kwa njia Mtandao (NeST) kukamilika , anatarajia kuona Mkoa wa Mtwara unakuwa wa Mfano katika matumizi ya Mfumo huo

Nanjiva ameyasema hayo wakati wa kufunga mafunzo ya Mfumo huo kwa wataalamu wa Halmashauri Sita za Mkoa wa Mtwara

Aidha Nanjiva amewasisitiza wataalamu kutumia Mfumo huo ili kuondokana na Faini itakayotozwa kwa Halmashauri itakayofanya manunuzi nje ya Mfumo wa NeST.

"Nategemea kwamba Faini ya Tsh. Milioni 10 tutaiepuka kwa kuwa tayari tutakuwa tunatumia Mfumo kuanzia Oktoba 1, 2023,"amesema  Nanjiva.

Kwa Upande wao wataalamu waliohudhuria mafunzo hayo ya Siku Tano wamesema wako tayari kutumia Mfumo huo wa Ununuzi kwa kuwa ni rahisi pia.