Mkurugenzi akabidhi baiskeli kwa Mwanafunzi Mlemavu

Posted on: September 28th, 2020

Na Kitengo cha Habari na Mawasiliano

Halmashauri ya Wilaya ya Tandahimba imekabidhi baiskeli kwa mwanafunzi wa  darasa la nne Faizak Maulid(10) wa shule ya Msingi Mweru iliyopo Kata ya Chaume ambaye ni mlemavu wa miguu

Akikabidhi baiskeli hiyo kwa niaba ya Mkurugenzi Mtendaji Afisa Elimu Msingi Wilaya Hadija Mwinuka amesema kuwa itamsaidia kufika shule kwa wakati badala ya kubebwa kwenye baiskeli ya kawaida

Afisa Elimu Msingi Hadija Mwinuka mara baada ya kumkabidhi baiskeli mwanafunzi Faizak Maulid(10)

“Naikabidhi baiskeli hii ili iweze kumsaidia kuja shule na kukaa nayo darasani  lakini pia natoa wito kwa wazazi wasiwaache watoto wenye ulemavu nyumbani wana haki ya kupata elimu sawa na watoto wengine,”amesema Mwinuka

Mwinuka amesema zipo shule nyingine zenye wanafunzi wenye uhitaji wa baiskeli Halmashauri imejipanga  kuwasaidia kuwapatia baiskel wanafunzi hao kwa awamu ili kuweawezesha kufika shule na kusoma katika mazingira  bora

Afisa Maendeleo Jackline Kasondera akimfunga mkanda mwanafunzi Faizaki

Naye Mzazi wa mwanafunzi huyo Maulid Abdallah ameishukuru serikali kwa kumuwezesha mwanafunzi kupata baiskeli ambayo itamsaidia kutoka sehemu moja kwenda nyingine badala ya kutambaa na kubebwa kwenye baiskel ya kawaida

Mzazi wa Mwanafunzi  Maulid Abdallah  akitoa shukrani zake kwa Afisa Elimu Msingi Wilaya

 “Naishukuru Halmashauri kwa kumpatia mwanangu baiskeli hii mwanangu amezaliwa akiwa  mlemavu hivyo itamsaidia sana,watoto kama hawa wapo wengi naomba pia iwakumbuke na wengine kwenye shule zingine wenye uhitaji kama huu,”amesema Maulid