MBUNGE KATANI AMSHUKURU MHE.RAIS SAMIA KWA FEDHA ZA MIRADI YA MAENDELEO TANDAHIMBA

Posted on: July 21st, 2023

Na Kitengo cha Mawasiliano

Mbunge wa Jimbo la Tandahimba Mhe.Katani Katani amemshukuru Mhe.Dkt.Samia Suluhu Hassan Rais wa Jamhuri ya Muungano wa Tanzania kwa kuendelea kutoa fedha za miradi ya Maendeleo  kwa wananchi wa Tandahimba

Amesema hayo  Julai 20,2023 katika ziara ya Mwenyekiti wa UWT Taifa Ndg.Mary Chatanda katika Halmashauri ya Wilaya ya Tandahimba baada ya kumpa nafasi ya kuzungumza na wananchi kwenye mkutano wa hadhara ambapo alieleza kuwa  fedha hizo zimetekeleza miradi ya maji,umeme,barabara,vyumba vya madarasa na vituo vya afya

" Sisi wanaTandahimba tunamshukuru Mhe.Rais kwa Mabilioni ya fedha  ya kutekeleza miradi mbalimbali ya Maendeleo kwa kipindi hiki cha miaka miwili na miezi mitatu ya kuwa madarakani,kwa kipindi  kifupi tumepata Vituo vitano vya afya ambapo awali tulikuwa navyo viwili tu,miradi ya maji ipo iliyokamilika wananchi wanapata huduma na mingine inaendelea ikiwa katika hatua mbalimbali za utekelezaji," amesema Mhe.Katani