MADIWANI WA KISARAWE WAFANYA ZIARA YA KUJIFUNZA WILAYANI TANDAHIMBA

Posted on: December 14th, 2023

Na Kitengo cha Mawasiliano.

Madiwani na baadhi ya Wakuu wa Idara na Vitengo wa Halmashauri ya Wilaya ya Kisarawe wakiwa wameongozana na Mkuu wa Wilaya ya Kisarawe Mhe.Fatma Nyangasa wamefanya ziara ya kujifunza Uzalishaji wa kilimo bora cha Korosho Halmashauri ya Wilaya ya Tandahimba.

Baada ya kuwasili katika Ofisi za Mkuu wa Wilaya ya Tandahimba  Disemba 14,2023 Mkuu wa Wilaya ya Tandahimba Mhe.Kanali Patrick Sawala aliwasomea taarifa fupi ya Wilaya  kisha wataalamu waliwasilisha  mada muhimu za uzalishaji wa Korosho.

Wakiwa Tandahimba wametembelea kitalu cha miche ya korosho Kata ya Tandahimba,Shamba la Mikorosho Kitama,kujifunza mfumo wa stakabadhi ghalani Chama cha msingi Namunda na Kiwanda cha Ubanguaji Korosho TDC.

Aidha akizungumza kwa niaba ya Timu ya Wilaya ya Kisarawe Dc Nyangasa amepongeza juhudi zinazofanywa na Serikali katika zao la Korosho ambapo pia aliwapongeza wataalam wa Halmashauri ya Tandahimba wakiongozwa na Makamu Mwenyekiti kwa kufanikisha ziara yao.

Kwa upande wake Makamu Mwenyekiti wa Halmashauri ya Wilaya ya Tandahimba Mhe. Rehema Liute  amewapongeza kwa kuchagua Halmashauri ya Wilaya ya Tandahimba kuja kujifunza ambapo amesema kuwa ziara yao ikalete matokeo chanya kwenye Halmashauri yao.