MADIWANI SIMAMIENI MIRADI YA MAENDELEO KWENYE KATA ZENU" MHE.BAISA.

Posted on: January 11th, 2025

Na Kitengo cha Mawasiliano 

Mwenyekiti wa Halmashauri ya Wilaya ya Tandahimba Mhe.Baisa Baisa amewasistiza .madiwani kusimamia miradi ya maendeleo inayotekelezwa ilkwenye maeneo yao ili iweze kukamilika na kutumika kwa wakati.

Amesema hayo.mara baada ya madiwani kuwasilisha Taarifa za maendeleo ya Kata zao  leo Januari 11,2024  kwenye Mkutano wa Baraza la madiwani robo ya pili 2024/25 uliofanyika kwenye ukumbi wa mikutano wa Halmashauri.

" Miradi inapokuja kwenye Kata yako jukumu la Diwani ni kuhakikisha anausimamia mradi huo ukamilike ili wananchi wa eneo lako wafaidike  nao," amesema Mwenyekiti Mhe.Baisa.

Aidha katika  mkutano huo  madiwani wamemshukuru  Rais wa Jamhuri ya Muungano wa Tanzania Mhe.Dkt.Samia Suluhu Hassan kwa kusimamia bei ya korosho ambayo imeuzwa  kwa bei ya juu lakini pia wamekiomba Chama kikuu cha Ushirika TANECU kushirikiana na ofisi ya Ushirika kushughulikia changamoto ya.malipo kwa baadhi ya wakulima.

Kwa upande wake  mwakilishi wa Mkuu  wa Wilaya  Ndg.Francis Mkuti akitoa salamu za Mkuu wa Wilaya kwa madiwani amesema madiwani wahimize wazazi na walezi kuwapeleka watoto shule zinapofunguliwa Januari 13,2025  kuanza masomo na kuhakikisha chakula kinapatikana shuleni, kutumia mvua zinazonyesha kulima  mazao ya chakula,ukusanyaji wa mapato,utunzaji wa mazingira pamoja na kuendelea kuimarisha ulinzi na Usalama kwenye.maeneo yao.

Naye mwakilishi wa Katibu Tawala Mkoa wa Mtwara Edith Shayo amewapongeza madiwani kwa kumaliza uchaguzi wa Serikali  za mitaa kwa amani na usalama ambapo ametoa wito kwa madiwani kuwasistiza wananchi kujiandikisha kwenye daftari la kudumu la wapiga kura kuelekea Uchaguzi Mkuu 2025