MAAFISA UGANI TANDAHIMBA WAPEWA MAFUNZO YA UPIMAJI WA AFYA YA UDONGO.

Posted on: November 9th, 2023

Na Kitengo cha Mawasiliano. 

Maafisa Ugani na Maafisa Mifugo Halmashauri ya Wilaya ya Tandahimba wamepewa mafunzo ya ya Upimaji wa afya ya Udongo na Ubora wa chakula cha Mifugo kwa kutumia kifaa cha  Soil Scanner  ili kuongeza tija ya uzalizaji.

Akifungua mafunzo hayo leo Novemba 9,2023 katika ukumbi wa Mikutano wa Halmashauri Kaimu Mkurugenzi Mtendaji Halmashauri ya Wilaya ya Tandahimba Ndg.Joshua Mgoli amewataka maafisa Ugani kuzingatia mafunzo hayo ili yalete tija kwenye maeneo yao na Halmashauri kwa Ujumla.

" Mafunzo haya yalete tija katika maeneo yenu  ili kuongeza uzalishaji na kukuza uchumi  wa Halmashauri yetu lakini pia mtoe  Elimu kwa jamii ,""amesema ndg.Mgoli.

Kwa upande wake Mkuu wa Sehemu ya Kilimo (Mazao) kutoka Idara ya Kilimo ,Mifugo na Uvuvi Halmashauri ya Wilaya ya Tandahimba ndugu Issa Naumanga amesema kuwa mafunzo hayo yatawasaidia kuongeza uzalishaji kwenye maeneo yao.