MAAFISA MAENDELEO YA JAMII WA KATA WAKABIDHIWA PIKIPIKI

Posted on: August 29th, 2023

Na Kitengo cha Mawasiliano 

Halmashauri ya Wilaya ya Tandahimba  imepokea  pikipiki mbili aina ya Yamaha Cruise kwa ajiili ya utekelezaji na usimamizi wa shughuli za Maendeleo ya Jamii ngazi ya Kata

Akikabidhi pikipiki hizo leo Agosti 29,2023  kwa Maafisa Maendeleo ya Jamii wa  Kata ya Michenjele.na Mkundi Kaimu Mkurugenzi Mtendaji wa  Halmashauri ya Wilaya ya Tandahimba Ndg.Charles Mihayo amewasistiza kuvitunza vitendea kazi hivyo

"Hongereni kwa kupata vitendea kazi,pikipiki hizi zikafanye kazi iliyokusudiwa  katika maeneo yenu," amesema Mihayo

Kwa upande wake Kaimu  Afisa Maendeleo  ya Jamii Ndg.Ismaely Mbilinyi akisoma taarifa yake amesema kuwa pikipiki hizo zimetolewa na Serikali kupitia  Wizara ya Maendeleo ya Jamii Jinsia na Watoto ili kurahisisha utoaji wa  huduma kwa jamii

Aidha Halmashauri ya Wilaya ya Tandahimba tunamshukuru Rais wa Jamhuri ya Muungano wa Tanzania Mhe.Dkt.Samia Suluhu Hassan  kwa  pikipiki hizo ambazo zitarahisisha  utendaji kazi  na kuwafikia wananchi kirahisi