KILELE CHA MAADHIMISHO YA NANE NANE KANDA YA KUSINI

Posted on: August 8th, 2023

Na Kitengo cha Mawasiliano 

Maadhimisho ya Sikukuu ya Wakulima (Nane nane) Kanda ya Kusini yamehitimishwa leo Agosti 8,2023 na Mkuu wa Mkoa wa Mtwara Mhe.Kanali Ahmed Abbas Ahmed kwenye Viwanja vya Ngongo Mkoani Lindi

Akizungumza kwenye viwanja hivyo amewasisitiza wananchi kujikita zaidi katika kilimo chenye tija ili kiweze kuwainua kiuchumi huku akiupongeza Mkoa wa Mtwara kwa kuwa kinara katika Uzalishaji wa zao la Korosho ambalo mbali na kuwainua wananchi kiuchumi linachangia pato la Taifa

Aidha katika Maadhimisho hayo zawadi mbalimbali zimetolewa kwa makundi yaliyofanya vizuri katika Sekta ya kilimo ambapo Chama Kikuu cha Ushirika TANECU kimeibuka Mshindi wa kwanza Chama Bora cha Ushirika kwa Kanda ya Kusini

Maadhimisho ya Maonesho ya kwanza ya Kimataifa ya Wakulima (nanenane) yamefanyika Jijini  Mbeya ambapo mgeni rasmi alikuwa Mhe.Dkt Samia Suluhu Hassan Rais wa Jamhuri ya Muungano wa Tanzania  ambapo Kauli mbiu ya Mwaka 2023 ni "Vijana na Wanawake ni Msingi Imara na Mifumo endelevu ya Chakula'