Katibu Itikadi na Uenezi CCM aipongeza Halmashauri ya Tandahimba

Posted on: June 4th, 2022

Na Kitengo cha Habari na Mawasiliano

Katibu wa Halmashauri ya Kuu ya Chama cha Mapinduzi (CCM) Taifa Itikadi naUenezi Ndugu Shaka Hamdu Shaka ameipongeza Halmashauri ya Wilaya ya Tandahimba kwakutumia fedha za mapato ya ndani kutekeleza ujenzi wa mradi wa kituo cha afya cha Kitama

Hayo ameyasema leo Juni 4,2022 alipotembelea ujenzi wa mradi  wa kituo cha afya cha Kitama ambao unatekelezwa kwa fedha za mapato ya ndani ambapo kiasi cha shilingi  Milioni 400 zitatumika kutekeleza ujenzi wa kituo hicho

”Nawapongeza kwa kutekeleza kwa vitendo maelekezo yale ya kila Halmashauri ambayo inakusanya chini ya shilingi Bil 1 kutumia mapato ya ndani katika kuwekeza katika shughuli  ya maendeleo,halmashauri hii mmefanya  vizuri sana kwa kutekeleza mradi huu wa maendeleo hongerenisana,”amesema Katibu

Muonekano wa mradi wa ujenzi wa kituo cha afya Kitama

Akiwa Wilayani Tandahimba amezungumza na Wananchi nakuwasistiza  kutumia chakula  vizuri walichonacho  ili kuepuka tatizo la njaa ambapo Shirika la Chakula Duniani (FAO) tayari imetoa tahadhari ya uhaba wa chakula

Aidha akijibu maswali ya wananchi kuhusu maji amesema kuwa serikali inakuja kumaliza tatizo la maji ambapo miradi mikubwa miwili itatekelezwa ambayo ni ujenzi wa mradi wa maji kutoka mto Ruvuma na mradi wa maji  kwa kutumia chanzo cha Mitema ambapo ikikamilikawananchi wa Tandahimba watasahau tatizo hilo