Kamati ya usimamizi ya Hospital yaTandahimba yazinduliwa

Posted on: September 8th, 2020

Na Kitengo cha Habari na Mawasiliano

Kaimu Mkurugenzi Mtendaji wa Halmashauri ya Tandahimba  Ally Machela ameitaka Kamati ya usimamizi ya Hospitali ya Wilaya  kutekeleza majukumu yao ili kuendelea kuboresha huduma kwa jamii

Ameyasema hayo jana  wakati akizindua Kamati  ya Usimamizi wa Hospitali ya Wilaya ya Tandahimba ambayo itafanya kazi kwa kipindi cha miaka mitatu 

Kaimu Mkurugenzi Mtendaji Ally Machela akizindua Kamati ya Usimamizi ya Hospital

“Tunategemea kamati hii mtatekeleza majukumu yenu ikiwa pamoja na kuhakikisha wakazi  wanapata huduma za afya  zinazostahili na wanazozimudu  kwa kufuata muongozo ,taratibu na kanuni,”amesema Machela

Katibu wa Hoapital Faustine Pamba(aliyesimama) akisoma majukumu ya kamati hiyo kwa Wajumbe

Naye Mganga Mkuu wa Hospital ya Wilaya Antipas Swai amesema kuwa Kamati hiyo ni moja ya kamati  muhimu ndani ya  hospital ya Wilaya hivyo inajukumu ya kuimarisha  uhusiano na wadau mbalimbali  katika kuboresha usimamzi wa huduma

Mganga Mkuu wa Hospital ya Tandahimba Antipas Swai (aliyesimama)akitoa neno

Aidha  baada ya uzinduzi huo wajumbe  walimchagua Mwenyekiti  ambaye ataongoza Kamati hiyo kwa kuda wa miaka mitatu ambapo Adinani Mbwana alifanikiwa kuchukua kiti hicho

Mwenyekiti wa kamati ya usimamizi ya Hospitali Adinani Mbwana akitoa neno kwa Wajumbe