Kamati ya Siasa Wilaya ya Tandahimba yaipongeza Halmashauri Ujenzi wa vyumba 10 vya madarasa

Posted on: January 21st, 2023

Na Kitengo cha Mawasiliano

Kamati ya Siasa ya Chama cha Mapinduzi (CCM)  Wilaya ya Tandahimba imeipongeza Halmashauri kwa utekelezaji wa Ujenzi wa vyumba kumi (10) vya madarasa kwa ajili ya wanafunzi wa kidato cha kwanza mwaka 2023

Akizungumza Januari 21,2023 katika ziara ya kukagua utekelezaji wa miradi ya ujenzi wa vyumba kumi vya madarasa  mwenyekiti wa CCM Wilaya ya Tandahimba Mhe.Ismaili Mkadimba amesema vyumba hivyo vimesaidia wanafunzi waliochaguliwa  wote kuendelea na masomo

“Kamati ya Siasa tumekagua miradi hii ya ujenzi  vyumba kumi vya madarasa tunaipongeza Halmashauri kwa kutekeleza  miradi hiyo kwa wakati na wanafunzi wameanza kutumia,kikubwa tuendelee kuunga jitihada za Mhe.Rais wa awamu ya sita,anafanya kazi kubwa,anatekeleza sera za CCM kwa vitendo,”amesema Mhe.Mkadimba

Miradi iliyotembelewa na Kamati ya Siasa  ni Ujenzi wa vyumba vitatu vya madarasa Shule yaSekindari Kwanyama,Ujenzi wa Vyumba vitatu shule ya Sekondari ya Mndumbwe na Ujenzi wa vyumba vinne vya madarasa shule Sekondari ya Tandahimba

Aidha kiasi cha shilingi Milioni Mia mbili (200,000,000) zilitolewa na Serikali Kuu ambapo hadi kufikia Disemba 15,2022 miradi yote ilikamilika na wanafunzi wameanza masomo Januari 9,2023 katika madarasa hayo