KAMATI YA SIASA MKOA WA MTWARA YARIDHISHWA NA MIRADI YA MAENDELEO TANDAHIMBA.

Posted on: October 8th, 2023

Na Kitengo cha Mawasiliano. 

Mwenyekiti wa CCM Mkoa wa Mtwara Mhe.Said Nyengedi amewaongoza wajumbe wa Kamati ya Siasa Mkoa wa Mtwara katika ziara ya kukagua Miradi ya Maendeleo inayopo na inayotekelezwa Wilaya ya Tandahimba.

Akizungumza Oktoba 8,2023 wakati akikagua Mradi wa Maji Lipalwe wenye gharama ya Tsh.Milioni 553.3 Mhe.Nyengedi ameipongeza Serikali kwa kutekeleza ilani ya Chama Cha Mapinduzi(CCM) kwa Vitendo na Wananchi wananufaika na Miradi hiyo.

Mradi wa Maji Lipalwe ambao umekamilika na Wananchi wapatao 2981 wa Vijiji vya Lipalwe A" na B" wanatumia Maji hayo  ambapo wanufaika hasa akina mama watatumia muda mwingi kwenye Uzalishaji Mali badala Kutafuta Maji.

Kwa Upande wake Mkuu wa Wilaya ya Tandahimba Mhe.Kanali Patrick Sawala ameishukuru Serikali ya Awamu ya Sita inayoongwa na Rais Dkt.Samia Suluhu Hassan kwa Miradi Mikubwa inayoendelea kutekelezwa Wilayani humo akiahidi kuendelea kuisimamia vyema ili ilete tija kwa wananchi.

Miradi mingine iliyokaguliwa na Kamati ya Siasa Mkoa ni pamoja na Mradi wa maji Lipalwe, Ujenzi wa Sekondari mpya ya Mahuta, Mradi wa usambazaji umeme vijijini (REA), na Uzinduzi wa utoaji wa huduma za afya kwa wananchi katika zahanati ya Mnazimmoja.