Kamati ya siasa CCM Wilaya ya Tandahimba yatembelea miradi ya maendeleo

Posted on: July 22nd, 2021

Na Kitengo cha Habari na Mawasiliano

Kamati ya siasa ya Chama cha Mapinduzi (CCM) Wilaya ya Tandahimba  imefanya ziara ya siku mbili ya kutembelea miradi ya maendeleo inayotekelezwa ndani ya Wilaya na kuridhishwa nayo

Mwenyekiti wa CCM  Wilaya ya Tandahimba Omari Nang'uta (kulia) akikagua mradi wa zahanati ya Miuta

Katika ziara ya kamati ya siasa ambayo iliongozwa na Mwenyekiti wa CCM Wilaya ya Tandahimba  ndg. Omari Nang’uta ,aliambatana na Mkuu wa Wilaya ya Tandahimba Mhe.Kanali Patrick Sawala,Mbunge wa Jimbo la Tandahimba Mhe.Katani Katani, Mkurugenzi Mtendaji wa Halmashauri ndg. Said Msomoka na wakuu wa idara na vitengo walitembelea miradi ambayo inaendelea kutekelezwa katika kat a mbalimbali ndani ya Wilaya

Kamati ya siasa,Dc Sawala ,Mkurugenzi na wakuu wa idara wakifurahia jambo

Akitoa majumuisho ya ziara hiyo ya siku mbili Mwenyekiti  wa CCM Wilaya amesema kamati imeridhishwa na miradi hiyo lakini kuna baadhi ya miradi  inahitaji usimamizi wa ziada ili imalizike kwa wakati iwanufaishe wananchi wa eneo husika kwa wakati

Kamati ya siasa ,Mbunge,na wakuu wa Idara wakikagua miradi

“Tumeiona miradi  inakwenda vizuri lakini ipo baadhi inasuasua sisi tuombe usimamizi uendelee ili miradi imalizike kwa wakati wananchi waweze kupata huduma hiyo ,”amesema Mwenyekiti

Mradi wa Maabara  Mdimba sekondari ambao upokwenye hatua za  mwisho

Naye Dc Sawala amesema kuwa katika kutekeleza miradi ushirikiano na mawasiliano kwa wahusika wanaosimamia miradi inakuwa ni chachu ya miradi kumalizika kwa wakati na kuwa bora

Dc Sawala akieleza jambo

Aidha naye Mhe.Katani Katani amesema pamoja na miradi hii kuwa bora na baadhi kusua sua  jukumu la wasimamizi wa miradi ni kuhakikisha wazabuni wanaleta vifaa kwa wakati eneo la mradi ili wananchi washiriki kikamilifu katika miradi yao

Mbunge wa Jimbo la Tandahimba Mhe.Katani akielezea jambo kwenye ujenzi wa mradi wa sekondari ya Mndumbwe

Mkurugenzi Mtendaji ndg Msomoka  amewahikikishia kamati ya siasa kuwa pale ambapo yameonekana mapungufu yatarekebishwa , usimamizi na ufuatiliaji utakuwa wa mara kwa mara ili miradi iwe bora na imalizike kwa wakati kwakushirikiana na wataalam

Mkurugenzi Mtendaji ndg Said Msomoka  akiwa na wataalam na kamati kwenye mradi wa sekondari ya Litehu