Kamati ya Fedha yaridhishwa Kasi ya Ujenzi wa Vyumba 10 vya Madarasa

Posted on: November 3rd, 2022

Na Kitengo cha Mawasiliano

Kamati ya Fedha ,Utawala na Mipango ya Halmashauri  ya Wilaya ya Tandahimba  imeridhishwa na Kasi ya Ujenzi wa Vyumba kumi vya madarasa unaoendelea ikiwa ni maandalizi ya Kidato cha Kwanza mwaka 2023

Hayo yamesemwa na Mwenyekiti wa Halmashauri ya Wilaya ya Tandahimba  Mhe.Baisa Baisa Novemba 3,2022 baada ya kutembelea na kukagua  miradi ya Maendeleo kwa kipindi cha Robo ya kwanza mwaka 2022/2023

“Tumetembelea miradi nane ya Maendeleo ya Afya na Elimu ,lakini katika Elimu tumetembelea ujenzi wa v yumba kumi vya madarasa ambapo fedha tumepokea mwezi wa kumi kwa ajili ya maandalizi ya kidato cha kwanza mwakani,ujenzi wa madarasa hayo unakwenda kwa kasi na ubora sisi kamati tumeridhishwa kwa hilo na tunamshukuru Mhe.Rais kwa  fedha za ujenzi wa madarasa,”amesema Mwenyekiti

Miradi  iliyotembelewa na Kamti ya Fedha ni Ukarabati wa Wodi ya Kutengwa iliyopo Hospitali ya Wilaya ya Tandahimba,Ujenzi wa Kituo cha Afya Mihambwe,Ujenzi wa Zahanati ya Chikongo,Ujenzi wa Vyumba vitatu vya madarasa  shule ya Sekondari Kwanyama

Aidha Miradi mingine iliyotembelewa ni Umaliziaji wa Ujenzi wa Zahanati ya Dinduma,Ujenzi wa vyumba vitatu vya Mdarasa Shule ya Sekondari Mndumbwe,Ujenzi wa vyumba vine vya madarasa  Shule ya Sekondari Tandahimba na Ujenzi wa Marasa mawili ya Awali ya Mfano Shule ya Msingi Mjimpya iliyopo Kata ya Tandahimba