JESHI LA POLISI LATEKETEZA DAWA ZA KULEVYA ZAIDI YA KG 507 TANDAHIMBA.

Posted on: December 28th, 2023

Na Kitengo cha Mawasiliano .

Jeshi la Polisi Wilaya ya Tandahimba Leo Desemba 28,2023  limeteketeza kwa moto Dawa  za Kulevya aina ya bangi zenye uzito wa Kilogram 507.9 pamoja na Heroin gram 3.89 katika Dampo la Halmashauri ya Wilaya ya Tandahimba na kushuhudiwa na viongozi mbalimbali Wa Wilaya hiyo.

Akizungumza wakati wa kuteketeza Dawa hizo Salome Mbonile ambae ni  Kaimu Kamishna Msaidizi Mamlaka ya Kudhibiti na kupambana na Dawa za Kulevya amesema pamoja na kutekeza Dawa hizo amewataka Wananchi  kutoa taarifa na  ushirikiano kwa Mamlaka ya Dawa za Kulevya ili kuwakamata  wanaojihusisha na Dawa  hizo waweze kuchukuliwa hatua za Kisheria.

Pamoja na Dawa hizo jeshi la Polisi Wilaya hiyo limemwaga jumla ya Lita 75 za Pombe ya  kienyeji maarufu  kama Gongo ambapo watuhumiwa walifikishwa mahakamani na Sheria zimechukuliwa dhidi yao.