Halmashauri ya Wilaya ya Tandahimba yapata hati safi mara sita mfululizo

Posted on: June 21st, 2022

Na Kitengo cha Habari na  Mawasiliano

Hamashauri ya Wilaya ya Tandahimba imeendelea kufanya vizuri katika usimamizi wa matumizi  ya fedha  na kupelekea kupata hati safi kwa miaka sita mfululizo kuanzia mwaka wa fedha 2015/2016 hadi mwaka wa fedha 2020/2021

Ndugu Fasteck Mwampashe Mwakilishi wa Mdhibiti na Mkaguzi Mkuu wa Hesabu za Serikali Mkoa wa Mtwara akisoma taarifa yake leo Juni 21,2022 katika mkutano maalum wa baraza la madiwani ameipongeza Halmashauri ya wilaya ya Tandahimba kwa kupata hati safi kwa mwaka wa fedha 2020/2021

Ndugu Fasteck Mwampashe akisoma taarifa

Katika ukaguzi wa hesabu za mwaka wa fedha  2020/2021 Halmashauri ya Wilaya ya Tandahimba ilikuwa na hoja 37 ambapo hoja 24 zimefungwa na hoja 13 zipo katika hatua za utekelezaji

Wakuu wa Idara na Vitengo wakiwa katika Mkutano maalum wa baraza la madiwani

Naye Mkuu wa Mkoa wa Mtwara Mhe.Brig.Jen.Marco Gaguti  akizungumza katika mkutano  maalum wa baraza la madiwani ameipongeza Halmashauri ya Wilaya ya Tandahimba kwa kupata hati safi na amesistiza baraza la madiwani  kusimamia ili zisizalishwe hoja zingine mpya

Mhe.Brig.Jen.Marco Gaguti Mkuu wa Mkoa wa Mtwara