Halmashauri ya Wilaya ya Tandahimba yaadhimisha siku ya Vijana kwa kutoa Elimu

Posted on: August 12th, 2022

Na Kitengo cha Mawasiliano

Halmashauri ya Wilaya ya Tandahimba imeadhimisha  kilele cha siku ya Vijana  kwa kutoa Elimu kwa vijana kutumia fursa zilizopo ndani ya Halmashauri ili kukuza uchumi wao

Wakipewa Elimu hiyo katika ukumbi wa Mikutano wa Halmashauri ,vijana wamepewa elimu kuhusu mikopo ya asilimia 10 inayotolewa katika Halmashauri ambapo wakitumia fursa hiyo itawasaidia kukuza uchumi wao kwa kuwa mikopo hiyo haina riba

Katika maadhimisho hayo Vijana wamepewa Elimu  ya kusajili vikundi na elimu ya afya ili kujenga vijana wenye afya bora sambamba na kusikiliza changamoto zao

Aidha katika maadhimisho hayo yenye kauli mbiu 'Kila Mmoja Anahusika Kujenga Uchumi Imara ,Ustawi na Maendeleo Endelevu,Jiandae Kuhesabiwa' vijana waliamasishwa umuhimu wa kushiriki katika zoezi la Sensa ya Watu na Makazi  Agosti 23,2022 ili kupata takwimu sahihi kwa ajili ya Mipango ya Maendeleo