Halmashauri ya Tandahimba yatoa Tsh. Mil 40 kukarabati vyumba viwili vya madarasa

Posted on: January 31st, 2021

Na Kitengo cha Habari na Mawasilinao

Halmashauri ya Tandahimba imetoa shilingi Milioni 40 kwa ajili ya ukarabati wa vyumba viwili vya madarasa  kwa shule ya Msingi Mkonjowano ambavyo vimeezuliwa na upepo  iliyoambatana na mvua na kusababisha wanafunzi 143 kukosa madarasa ya kusomea

Mkuu wa Wilaya akionyesha jinsi ofisi ya walimu ilivyoharibika  baada ya maafa hayo

Akizungumza kwenye eneo la tukio Mkuu wa Wilaya ya Tandahimba Sebastian Waryuba alimtaka Mkurugenzi kuharakisha  ukarabati wa majengo hayoa na kusistiza  kuendelea kupanda miti kwenye maeneo ya shule  kwasababu mvua huambatana  na upepo  mkali hivyo miti inasaidia kupunguza makali

Chumba cha  darasa la tatu , darasa la nne  na ofisi ya walimu inavyoonekana baada ya kuezuliwa na upepo

‘Uhalibifu huu  ni mkubwa lakini miti hii iliyopo imesaidia kupunguza makali ya upepo  kungekuwa hakuna miti kama hii athari ingekuwa kubwa zaidi kwaiyo endeleeni kuchukua tahadhari na mzingatie  kupanda miti mvua hizi zinapokuja zinaambatana na upepo mkali  sana kama maeneo hayana miti  maafa yanakuwa makubwa zaidi,”amesema Dc Waryuba

Dc Waryuba (kulia)akizungumza  na viongozi wa kata hiyo

Naye Kaimu Mkurugenzi Mtendaji ndugu Ally Machela baada ya kutembelea eneo hilo akiwa ameambatana na Afisa Elimu Msingi na Mwenyekiti wa Halmashauri walishuhudia  uharibifu ulifanyika katika shule hiyo

Kaimu Mkurugenzi Mtendaji Ally Machela

“Tumetembelea  tukaona hali ilivyo  Halmashauri imetoa kiasi cha shilingi milioni 40 kwa ajili ya vyumba hivyo vya madarsa viweze kukarabatiwa kwa haraka ili wanafunzi waendelee na masomo  kwenye madarasa yao,tayari mafundi wameanza kazi,”amesema Ndg Machella

Mwenyekiti wa Halmashauri  Baisa Baisa (wapili kushoto) akiwa na Kaimu Mkurugenzi  Ally Machela(watatu kushoto) ,Afisa Elimu na waheshimiwa madiwani ambao walitembelea eneo hilo

Naye Afisa Elimu Msingi  Bi Hadija Mwinuka amesema kuwa kwa sasa wananfunzi hao wa darasa la tatu na nne ambao madarasa yao yameezuliwa wanaendelea na masomo kwenye madarasa mengine  huku utaratibu wa kuharakisha ujekarabati wa madarasa yao unaendelea

“Madarasa ambayo yameezuliwa ni darasa la tatu na la nne lakini wanaendelea na masomo tulichofanya ni wanafunzi wa darasa la kwanza  na la pili wanaingia kwa kubadilishana wengine asb na wengine mchana